Madre Labs, Pycnogenol Serum (Cream), 1 oz (28 g) سيروم بايكنوجينول
Pycnogenole
هي احد مجموعة مركبات عضوية قابلة للانحلال في الماء، ينتجها الاستقلاب الثّانوي للنبات، وتنتمي لفئة متعددات الفينول.ولها فوائد جمة فهي مثلا مشهورة بالحماية من التأثير الضار للأشعة فوق البنفسجية مفعول مضاد للتأكسد ومضاد للجذور الحرّة بجرعات معينة.
تقييم المنتج في i herb
448 شخص قالو انه منتج ممتاز
مقابل 62 شخص قيموه على انه منتج مو كويس
تجربتي مع السيروم
وصلتني يوم May 19, 2015 يعني تقريبا قبل 10 اسابيع
حجم العبوة صغييير صغير وكمية المنتج قليلة جدا 28 غرام بس لكن المريح ان
قيمتها 18 ريال
انا بشرتي جافه مثل ما سبق وضحت لكم باكثرمن تدوينه فالناتج ان عندي خطوط
حول فمي "خطوط الضحك "
نفس تركيبة السيروم كريمية اثقل من السيرومات اللي نعرفها العادية طبعا انا عجبني
عشان مسالة جفاف بشرتي ف طبعا ادور على اي شي كريمي مرطب
ريحته مو حلوه كثير في اول اسبوع كنت مره متضايقه من ريحته يشبه صابون الحمام المغربي الاخضر شوي
لكن بعدين عادي قدرت اتعود عليه
وما ندمت ابدا على اني دخلته في روتين عنايتي اليومية الليلية بوجهي
رهيب مو مثل سيروم الهيلرونيك أسيد من ناو فود
وللامانه ما ناسبني سيروم الهيلرونيك اسيد لكن عشان اكون حقانية اضطريت استخدمه
عشانكم لين يخلص واقولكم رايي فيه
لما كنت استخدمه على قد ما احط كريمات مرطبة فوقه لكن فعلا جفف بشرتي كثير
بالاضافه لاني انصدمت ان تعبية الخطوط كانت موضوع مؤقت بس
اقوم من النوم خفيف
بنص اليوم الخطوط رجعت زي ما هيا ؟؟!
ما هذا التصرف الارعن يا now food
خصوصا ان المنتج سعره 48 تقريبا كان سيروم مضيعة للوقت
انصحكم شخصيا في سيروم بشرتي تحبه جدا
وان شالله بشرتكم تحبه مثلي
تقييمي للمنتج : 5/3
نقصت نقطتين عشان حجمه سخيف عيب كذا وعشان الريحة
يارب يتصرفون في ريحته ويسوون علبه فيها كمية اكبر وسعره ممتاز
الصورتين تحت من تصويري ترا جالسه احاول اسوي احترافيه بس مره ماهي زابطة
تعليقات
إرسال تعليق