جل كيور ناتشورال اكوا الياباني CURE NATURAL AQUA GEL
راح اتكلم عنه بعد ما جاتني ردود فعل على خيبة الامل اللي صارت من هالمنتج
هالمنتج عبارة عن مقشر مائي خفيف جدا يناسب جميع انواع البشره حتى الحساسه
" وهنا مربط الفرس التاجرات روجوا له على انه منتج راح يصلخ وجهك ويجيب لك وجه جديد اتوقع انهم رسخوا لكم فكره انه يشبه رتن اي او بنزاك او ديفرين وهالكلام عار على الصحة "
انا استخدم هالمنتج شخصيا ومستحيل اطلعه من روتيني الاسبوعي
الروتين الكوري للبشره واللي الكثير ينسون فكرته الاساسيه يعتمد على انك تدلعين بشرتك وتعاملينها على انها طفلك المدلل
بدون خشونه بدون عفاشه بدون مواد كيميائيه ممكن تهيج بشرتك بدون حك وتقشير متطرف
واحنا معشر العرب العكس الوحده اصلا اذا صارت تغسل وجهها تقل كانها تكد رز محروق باسفل قدر الضغط
لا يا حبيبي غلط ذا سبب بلاوي وجهك بشرتك شي جدا رقيق يتاثر من اي تعامل عنيف معاها عشان كذا المنتجات الشرق الاسيويه ما تعجبنا مع انها فعاله لما نستخدمها بالاسلوب الصح
عموما انا روتين بشرتي مشابه واصلا جالسه اقلد فيه هالحلوه تابعوها وشوفوا خطواتها وافهموا كلامها
صح طويله بس رهيبه
شفتوا كيف والله انه رهيب خل عنكم بس مدلعات
تعليقات
إرسال تعليق