بي بي كريم " ميشا"

missha BB cream honey beige .27

بقيمة 56 ريال من موقع ايهرب لونه بيج عسلي
تعودنا على ان  bb cream يكون شي اقرب للمرطب بس فيه لون خفيف وتغطيته خفيفه وتحتاجين معاه كونسيلر لو عندك اثار بوجهك
لكن هذا صدمني قوامه اقرب للاساس مو سائل لكن كريمي شويه نهايته مو مات ويغطي الآثار وهالدرجة ما تشهب البشره واعتقد انها راح تناسب البنات الحنطيات جدا لان فيه اصفرار باللون
البنات اللي لونهم فاتح انصحهم يروحون لالوان افتح منه
كمان عاجبني ان العبوه عباره عن ضغاط يا اخوات وما نحتاج كمية كبيره منه عشان نستخدمه وعبوته حجمها كويس كمان ما انصح باستخدام البيوتي بلندر او فرش الاساس معاه الاصابع كويسه مره
المنتج يوعدك بانه راح يفتح البشرة مع الاستخدام المستمر ويحارب التجاعيد والحبوب والعيوب وهذا كلام اعتقد انه يبغاله فتره اطول استخدمه عشان اقرر مدى صحته
كمان فيه نسبة وقايه 42 وهي نسبه ممتازة جدا للحماية من الشمس
لاحظت ان البنات اللي بشرتهم دهنيه كان سيئ معاهم كثير ويشتكون من تكتله وانه يصير الوجه دهني بزياده عن اللزوم
بالنسبة لذوات البشره المختلطه يفضل استخدام بودرة على الانف عشان يثبته