كيفيه شراء الذهب

اولا اخواتي ليس تصرفا لطيفا انك تظهرين

جهلك بشراء الذهب في محل الذهب غلط

ويجعلك عرضه للاحتيال والنصب
يرجى ملاحظة اني اكتب من تجربه شخصيه وليس من خبره او دراسه 

بالبداية  الاسطورة اللي تقول ان محلات الذهب في المولات تاخذ منك حق الاجار صحيحه 

قبل تروحين محل الذهب شيكي على سعر الذهب 

اكيد بتكونين حددتي ع الاقل العيار اللي حابه تاخذينه 

الاغلب يميل لعيار 21 او 22 

21 موديلاته تجي مقبوله كثير اكثر من 22 

عيار 24 يجي سبايك اما عربيه او سويسريه 

السؤال الاول :

كم سعر الجرام من عيار 21 اذا بتبيعينه عليه ؟ 

اذا قال السعر نفس السعر اللي شفتيه اليوم مؤشر الذهب العالمي معناته منيح 

لو قالك اقل ولو بهلله سيبيه وامشي شوفي محل غيره 

على سبيل المثال انا دخلت محل قالي سعر الجرام شراء 150 ريال 

وهوا كان يومها 152 قيمه الجرام 

هذا السعر هو المسطرة حقتك اذا جيتي تشترين الفرق بينه وبين سعر الجرام اللي يعطيك اياه في القطعه اللي بتشترينها " هو ربحه " 

واسمها في عالم الذهب المصنعيه 
هنا المجال اللي تقدرين فيها تفاصلين فيها معاه 

اذا قال ٢١ قوليله بكم سعر الجرام بيقولك مثلا مثلا ١٨٠ ريال "احنا عرفنا ان سعر الجرام اليوم ١٥٠ " اذا نقصنا ١٨٠ من ١٥٠ = ٣٠ ريال على كل جرام في هالقطعه ياخذ ربح ٣٠ ريال
اساليه كم جرام ؟! مثلا قالك ٢٥ جرام
٢٥ * ١٨٠ = ٤٥٠٠ 

هذا اذا ما تبغين تكاسرين

نقول تبغين تكاسرينه لو قدرتي توصلين معاه سعر الجرام ل ١٦٥ اخذتي القطعه ب ٤١٢٥ ريال

هذا للمضطره للشراء في هذا الوقت اما لزواج او هديه لان الذهب في اعلى اسعاره

اما سعر الجرام اللي اشوفه عقلاني وممكن يوصله الذهب ١٣٤ زي رمضان نقول مع مصنعيه ١٥ ريال القطعه هاذي كانت قيمتها في رمضان ٣٧٢٥

٣٨٥٠

اذا مصنعيته 20 ولا تخلينه يكون اكثر 25 وهو المصنعيه العادله اكثر من كذا عبث ومبالغه وَيَا بنات اصصصصملوا

ترا في الاخير بيهدون نفسهم محلات الذهب وينزلون المصنعيه لانهم بيشوفون الناس فاهمين خلاص

ترا جات ايام كانت المصنعيه 11 ريال فقط فتأملوا

بالنسبه للفواتير احرصي على وجود المعلومات الاتيه في الفاتوره

العيار - سعر الجرام في هذاك اليوم - وزنه (عدد الجرامات )

الرقم الضريبي -والتاريخ واجمالي الضريبه مع قيمه الطقم كامل

وختم المحل مافيه محل بدون ختم او توقيع البائع